Die Plaas Vaalleegte is geleë 20km op die pad tussen Prins Albertwegstasie en Merweville.
WAT OM TE VERWAG:
‘n Lieflike plaas in die Karoo met puik akkommodasie, elf bokspesies wat besigtig kan word en waar jy aktiwiteite soos jag, wildritte, bergfietsroetes en staptogte in die pragtige Karooveld kan geniet.
AKKOMMODASIE
‘n Jagtershuis wat bestaan uit 3 slaapkamers met beddegoed en handdoeke wat 6 tot 7 persone kan akkommodeer, ‘n groot leefvertrek met sitkamergedeelte, DSTV, binnebraai met roosters, eetkamertafel, kroeg en volledig toegeruste kombuis, sowel as twee badkamers met storte. `n Buitebraai is ook beskikbaar en 1 sak hout per dag sal voorsien word.
Verder is daar 2 woonstel eenhede vir 3 persone en 1 woonstel vir 2 – met beddegoed, handdoeke, ‘n en-suite badkamer , ‘n volledig toegeruste kombuis en buite-braai.
Daar is ‘n onspanningslokaal met ‘n Pooltafel & DSTV.
